https://sensusplenior.net/wiki/index.php?action=history&feed=atom&title=Leningrad%3AHag 2026-10-17T20:05:01Z Revision history for this page on the wiki MediaWiki 1.28.3 https://sensusplenior.net/wiki/index.php?title=Leningrad:Hag&diff=33982&oldid=prev 2022-04-25T09:45:29Z

<p>Created page with &quot;‪xxxx Unicode/XML Leningrad Codex [UXLC 1.4]‬ ‪xxxx Build: 26.5 - 1 April 2022 00:00‬ ‪xxxx Layout: Qere-only; Content: Consonants.‬ ‪xxxx‬ ‪x...&quot;</p> <p><b>New page</b></p><div>‪xxxx Unicode/XML Leningrad Codex [UXLC 1.4]‬<br /> ‪xxxx Build: 26.5 - 1 April 2022 00:00‬<br /> ‪xxxx Layout: Qere-only; Content: Consonants.‬<br /> ‪xxxx‬<br /> ‪xxxx Haggai (2 chapters, 38 verses).‬<br /> ‪xxxx‬<br /> ‪xxxx Chapter 1 (15 verses)‬<br /> ‪xxxx‬<br /> ‫ בשנת שתים לדריוש המלך בחדש הששי ביום אחד לחדש היה דבר יהוה ביד חגי הנביא אל זרבבל בן שאלתיאל פחת יהודה ואל יהושע בן יהוצדק הכהן הגדול לאמר ‬<br /> ‫ כה אמר יהוה צבאות לאמר העם הזה אמרו לא עת בא עת בית יהוה להבנות ‬<br /> ‫ ויהי דבר יהוה ביד חגי הנביא לאמר ‬<br /> ‫ העת לכם אתם לשבת בבתיכם ספונים והבית הזה חרב ‬<br /> ‫ ועתה כה אמר יהוה צבאות שימו לבבכם על דרכיכם ‬<br /> ‫ זרעתם הרבה והבא מעט אכול ואין לשבעה שתו ואין לשכרה לבוש ואין לחם לו והמשתכר משתכר אל צרור נקוב ‬<br /> ‫ כה אמר יהוה צבאות שימו לבבכם על דרכיכם ‬<br /> ‫ עלו ההר והבאתם עץ ובנו הבית וארצה בו ואכבדה אמר יהוה ‬<br /> ‫ פנה אל הרבה והנה למעט והבאתם הבית ונפחתי בו יען מה נאם יהוה צבאות יען ביתי אשר הוא חרב ואתם רצים איש לביתו ‬<br /> ‫ על כן עליכם כלאו שמים מטל והארץ כלאה יבולה ‬<br /> ‫ ואקרא חרב על הארץ ועל ההרים ועל הדגן ועל התירוש ועל היצהר ועל אשר תוציא האדמה ועל האדם ועל הבהמה ועל כל יגיע כפים ‬<br /> ‫ וישמע זרבבל בן שלתיאל ויהושע בן יהוצדק הכהן הגדול וכל שארית העם בקול יהוה אלהיהם ועל דברי חגי הנביא כאשר שלחו יהוה אלהיהם וייראו העם מפני יהוה ‬<br /> ‫ ויאמר חגי מלאך יהוה במלאכות יהוה לעם לאמר אני אתכם נאם יהוה ‬<br /> ‫ ויער יהוה את רוח זרבבל בן שלתיאל פחת יהודה ואת רוח יהושע בן יהוצדק הכהן הגדול ואת רוח כל שארית העם ויבאו ויעשו מלאכה בבית יהוה צבאות אלהיהם ‬<br /> ‫ ביום עשרים וארבעה לחדש בששי בשנת שתים לדריוש המלך ‬<br /> ‪xxxx‬<br /> ‪xxxx Chapter 2 (23 verses)‬<br /> ‪xxxx‬<br /> ‫ בשביעי בעשרים ואחד לחדש היה דבר יהוה ביד חגי הנביא לאמר ‬<br /> ‫ אמר נא אל זרבבל בן שלתיאל פחת יהודה ואל יהושע בן יהוצדק הכהן הגדול ואל שארית העם לאמר ‬<br /> ‫ מי בכם הנשאר אשר ראה את הבית הזה בכבודו הראשון ומה אתם ראים אתו עתה הלוא כמהו כאין בעיניכם ‬<br /> ‫ ועתה חזק זרבבל נאם יהוה וחזק יהושע בן יהוצדק הכהן הגדול וחזק כל עם הארץ נאם יהוה ועשו כי אני אתכם נאם יהוה צבאות ‬<br /> ‫ את הדבר אשר כרתי אתכם בצאתכם ממצרים ורוחי עמדת בתוככם אל תיראו ‬<br /> ‫ כי כה אמר יהוה צבאות עוד אחת מעט היא ואני מרעיש את השמים ואת הארץ ואת הים ואת החרבה ‬<br /> ‫ והרעשתי את כל הגוים ובאו חמדת כל הגוים ומלאתי את הבית הזה כבוד אמר יהוה צבאות ‬<br /> ‫ לי הכסף ולי הזהב נאם יהוה צבאות ‬<br /> ‫ גדול יהיה כבוד הבית הזה האחרון מן הראשון אמר יהוה צבאות ובמקום הזה אתן שלום נאם יהוה צבאות ‬<br /> ‫ בעשרים וארבעה לתשיעי בשנת שתים לדריוש היה דבר יהוה אל חגי הנביא לאמר ‬<br /> ‫ כה אמר יהוה צבאות שאל נא את הכהנים תורה לאמר ‬<br /> ‫ הן ישא איש בשר קדש בכנף בגדו ונגע בכנפו אל הלחם ואל הנזיד ואל היין ואל שמן ואל כל מאכל היקדש ויענו הכהנים ויאמרו לא ‬<br /> ‫ ויאמר חגי אם יגע טמא נפש בכל אלה היטמא ויענו הכהנים ויאמרו יטמא ‬<br /> ‫ ויען חגי ויאמר כן העם הזה וכן הגוי הזה לפני נאם יהוה וכן כל מעשה ידיהם ואשר יקריבו שם טמא הוא ‬<br /> ‫ ועתה שימו נא לבבכם מן היום הזה ומעלה מטרם שום אבן אל אבן בהיכל יהוה ‬<br /> ‫ מהיותם בא אל ערמת עשרים והיתה עשרה בא אל היקב לחשף חמשים פורה והיתה עשרים ‬<br /> ‫ הכיתי אתכם בשדפון ובירקון ובברד את כל מעשה ידיכם ואין אתכם אלי נאם יהוה ‬<br /> ‫ שימו נא לבבכם מן היום הזה ומעלה מיום עשרים וארבעה לתשיעי למן היום אשר יסד היכל יהוה שימו לבבכם ‬<br /> ‫ העוד הזרע במגורה ועד הגפן והתאנה והרמון ועץ הזית לא נשא מן היום הזה אברך ‬<br /> ‫ ויהי דבר יהוה שנית אל חגי בעשרים וארבעה לחדש לאמר ‬<br /> ‫ אמר אל זרבבל פחת יהודה לאמר אני מרעיש את השמים ואת הארץ ‬<br /> ‫ והפכתי כסא ממלכות והשמדתי חזק ממלכות הגוים והפכתי מרכבה ורכביה וירדו סוסים ורכביהם איש בחרב אחיו ‬<br /> ‫ ביום ההוא נאם יהוה צבאות אקחך זרבבל בן שאלתיאל עבדי נאם יהוה ושמתיך כחותם כי בך בחרתי נאם יהוה צבאות ‬<br /> ‪xxxx‬<br /> ‪xxxx End of Haggai (2 chapters, 38 verses).</div>

Pig