https://sensusplenior.net/wiki/index.php?action=history&feed=atom&title=Leningrad%3AJoe 2026-10-17T20:52:48Z Revision history for this page on the wiki MediaWiki 1.28.3 https://sensusplenior.net/wiki/index.php?title=Leningrad:Joe&diff=33975&oldid=prev 2022-04-25T09:41:27Z

<p>Created page with &quot;‪xxxx Unicode/XML Leningrad Codex [UXLC 1.4]‬ ‪xxxx Build: 26.5 - 1 April 2022 00:00‬ ‪xxxx Layout: Qere-only; Content: Consonants.‬ ‪xxxx‬ ‪x...&quot;</p> <p><b>New page</b></p><div>‪xxxx Unicode/XML Leningrad Codex [UXLC 1.4]‬<br /> ‪xxxx Build: 26.5 - 1 April 2022 00:00‬<br /> ‪xxxx Layout: Qere-only; Content: Consonants.‬<br /> ‪xxxx‬<br /> ‪xxxx Joel (4 chapters, 73 verses).‬<br /> ‪xxxx‬<br /> ‪xxxx Chapter 1 (20 verses)‬<br /> ‪xxxx‬<br /> ‫ דבר יהוה אשר היה אל יואל בן פתואל ‬<br /> ‫ שמעו זאת הזקנים והאזינו כל יושבי הארץ ההיתה זאת בימיכם ואם בימי אבתיכם ‬<br /> ‫ עליה לבניכם ספרו ובניכם לבניהם ובניהם לדור אחר ‬<br /> ‫ יתר הגזם אכל הארבה ויתר הארבה אכל הילק ויתר הילק אכל החסיל ‬<br /> ‫ הקיצו שכורים ובכו והיללו כל שתי יין על עסיס כי נכרת מפיכם ‬<br /> ‫ כי גוי עלה על ארצי עצום ואין מספר שניו שני אריה ומתלעות לביא לו ‬<br /> ‫ שם גפני לשמה ותאנתי לקצפה חשף חשפה והשליך הלבינו שריגיה ‬<br /> ‫ אלי כבתולה חגרת שק על בעל נעוריה ‬<br /> ‫ הכרת מנחה ונסך מבית יהוה אבלו הכהנים משרתי יהוה ‬<br /> ‫ שדד שדה אבלה אדמה כי שדד דגן הוביש תירוש אמלל יצהר ‬<br /> ‫ הבישו אכרים הילילו כרמים על חטה ועל שערה כי אבד קציר שדה ‬<br /> ‫ הגפן הובישה והתאנה אמללה רמון גם תמר ותפוח כל עצי השדה יבשו כי הביש ששון מן בני אדם ‬<br /> ‫ חגרו וספדו הכהנים הילילו משרתי מזבח באו לינו בשקים משרתי אלהי כי נמנע מבית אלהיכם מנחה ונסך ‬<br /> ‫ קדשו צום קראו עצרה אספו זקנים כל ישבי הארץ בית יהוה אלהיכם וזעקו אל יהוה ‬<br /> ‫ אהה ליום כי קרוב יום יהוה וכשד משדי יבוא ‬<br /> ‫ הלוא נגד עינינו אכל נכרת מבית אלהינו שמחה וגיל ‬<br /> ‫ עבשו פרדות תחת מגרפתיהם נשמו אצרות נהרסו ממגרות כי הביש דגן ‬<br /> ‫ מה נאנחה בהמה נבכו עדרי בקר כי אין מרעה להם גם עדרי הצאן נאשמו ‬<br /> ‫ אליך יהוה אקרא כי אש אכלה נאות מדבר ולהבה להטה כל עצי השדה ‬<br /> ‫ גם בהמות שדה תערוג אליך כי יבשו אפיקי מים ואש אכלה נאות המדבר ‬<br /> ‪xxxx‬<br /> ‪xxxx Chapter 2 (27 verses)‬<br /> ‪xxxx‬<br /> ‫ תקעו שופר בציון והריעו בהר קדשי ירגזו כל ישבי הארץ כי בא יום יהוה כי קרוב ‬<br /> ‫ יום חשך ואפלה יום ענן וערפל כשחר פרש על ההרים עם רב ועצום כמהו לא נהיה מן העולם ואחריו לא יוסף עד שני דור ודור ‬<br /> ‫ לפניו אכלה אש ואחריו תלהט להבה כגן עדן הארץ לפניו ואחריו מדבר שממה וגם פליטה לא היתה לו ‬<br /> ‫ כמראה סוסים מראהו וכפרשים כן ירוצון ‬<br /> ‫ כקול מרכבות על ראשי ההרים ירקדון כקול להב אש אכלה קש כעם עצום ערוך מלחמה ‬<br /> ‫ מפניו יחילו עמים כל פנים קבצו פארור ‬<br /> ‫ כגבורים ירצון כאנשי מלחמה יעלו חומה ואיש בדרכיו ילכון ולא יעבטון ארחותם ‬<br /> ‫ ואיש אחיו לא ידחקון גבר במסלתו ילכון ובעד השלח יפלו לא יבצעו ‬<br /> ‫ בעיר ישקו בחומה ירצון בבתים יעלו בעד החלונים יבאו כגנב ‬<br /> ‫ לפניו רגזה ארץ רעשו שמים שמש וירח קדרו וכוכבים אספו נגהם ‬<br /> ‫ ויהוה נתן קולו לפני חילו כי רב מאד מחנהו כי עצום עשה דברו כי גדול יום יהוה ונורא מאד ומי יכילנו ‬<br /> ‫ וגם עתה נאם יהוה שבו עדי בכל לבבכם ובצום ובבכי ובמספד ‬<br /> ‫ וקרעו לבבכם ואל בגדיכם ושובו אל יהוה אלהיכם כי חנון ורחום הוא ארך אפים ורב חסד ונחם על הרעה ‬<br /> ‫ מי יודע ישוב ונחם והשאיר אחריו ברכה מנחה ונסך ליהוה אלהיכם ‬<br /> ‫ תקעו שופר בציון קדשו צום קראו עצרה ‬<br /> ‫ אספו עם קדשו קהל קבצו זקנים אספו עוללים וינקי שדים יצא חתן מחדרו וכלה מחפתה ‬<br /> ‫ בין האולם ולמזבח יבכו הכהנים משרתי יהוה ויאמרו חוסה יהוה על עמך ואל תתן נחלתך לחרפה למשל בם גוים למה יאמרו בעמים איה אלהיהם ‬<br /> ‫ ויקנא יהוה לארצו ויחמל על עמו ‬<br /> ‫ ויען יהוה ויאמר לעמו הנני שלח לכם את הדגן והתירוש והיצהר ושבעתם אתו ולא אתן אתכם עוד חרפה בגוים ‬<br /> ‫ ואת הצפוני ארחיק מעליכם והדחתיו אל ארץ ציה ושממה את פניו אל הים הקדמני וספו אל הים האחרון ועלה באשו ותעל צחנתו כי הגדיל לעשות ‬<br /> ‫ אל תיראי אדמה גילי ושמחי כי הגדיל יהוה לעשות ‬<br /> ‫ אל תיראו בהמות שדי כי דשאו נאות מדבר כי עץ נשא פריו תאנה וגפן נתנו חילם ‬<br /> ‫ ובני ציון גילו ושמחו ביהוה אלהיכם כי נתן לכם את המורה לצדקה ויורד לכם גשם מורה ומלקוש בראשון ‬<br /> ‫ ומלאו הגרנות בר והשיקו היקבים תירוש ויצהר ‬<br /> ‫ ושלמתי לכם את השנים אשר אכל הארבה הילק והחסיל והגזם חילי הגדול אשר שלחתי בכם ‬<br /> ‫ ואכלתם אכול ושבוע והללתם את שם יהוה אלהיכם אשר עשה עמכם להפליא ולא יבשו עמי לעולם ‬<br /> ‫ וידעתם כי בקרב ישראל אני ואני יהוה אלהיכם ואין עוד ולא יבשו עמי לעולם ‬<br /> ‪xxxx‬<br /> ‪xxxx Chapter 3 (5 verses)‬<br /> ‪xxxx‬<br /> ‫ והיה אחרי כן אשפוך את רוחי על כל בשר ונבאו בניכם ובנותיכם זקניכם חלמות יחלמון בחוריכם חזינות יראו ‬<br /> ‫ וגם על העבדים ועל השפחות בימים ההמה אשפוך את רוחי ‬<br /> ‫ ונתתי מופתים בשמים ובארץ דם ואש ותימרות עשן ‬<br /> ‫ השמש יהפך לחשך והירח לדם לפני בוא יום יהוה הגדול והנורא ‬<br /> ‫ והיה כל אשר יקרא בשם יהוה ימלט כי בהר ציון ובירושלם תהיה פליטה כאשר אמר יהוה ובשרידים אשר יהוה קרא ‬<br /> ‪xxxx‬<br /> ‪xxxx Chapter 4 (21 verses)‬<br /> ‪xxxx‬<br /> ‫ כי הנה בימים ההמה ובעת ההיא אשר אשיב את שבות יהודה וירושל͏ם ‬<br /> ‫ וקבצתי את כל הגוים והורדתים אל עמק יהושפט ונשפטתי עמם שם על עמי ונחלתי ישראל אשר פזרו בגוים ואת ארצי חלקו ‬<br /> ‫ ואל עמי ידו גורל ויתנו הילד בזונה והילדה מכרו ביין וישתו ‬<br /> ‫ וגם מה אתם לי צר וצידון וכל גלילות פלשת הגמול אתם משלמים עלי ואם גמלים אתם עלי קל מהרה אשיב גמלכם בראשכם ‬<br /> ‫ אשר כספי וזהבי לקחתם ומחמדי הטבים הבאתם להיכליכם ‬<br /> ‫ ובני יהודה ובני ירושלם מכרתם לבני היונים למען הרחיקם מעל גבולם ‬<br /> ‫ הנני מעירם מן המקום אשר מכרתם אתם שמה והשבתי גמלכם בראשכם ‬<br /> ‫ ומכרתי את בניכם ואת בנותיכם ביד בני יהודה ומכרום לשבאים אל גוי רחוק כי יהוה דבר ‬<br /> ‫ קראו זאת בגוים קדשו מלחמה העירו הגבורים יגשו יעלו כל אנשי המלחמה ‬<br /> ‫ כתו אתיכם לחרבות ומזמרתיכם לרמחים החלש יאמר גבור אני ‬<br /> ‫ עושו ובאו כל הגוים מסביב ונקבצו שמה הנחת יהוה גבוריך ‬<br /> ‫ יעורו ויעלו הגוים אל עמק יהושפט כי שם אשב לשפט את כל הגוים מסביב ‬<br /> ‫ שלחו מגל כי בשל קציר באו רדו כי מלאה גת השיקו היקבים כי רבה רעתם ‬<br /> ‫ המונים המונים בעמק החרוץ כי קרוב יום יהוה בעמק החרוץ ‬<br /> ‫ שמש וירח קדרו וכוכבים אספו נגהם ‬<br /> ‫ ויהוה מציון ישאג ומירושלם יתן קולו ורעשו שמים וארץ ויהוה מחסה לעמו ומעוז לבני ישראל ‬<br /> ‫ וידעתם כי אני יהוה אלהיכם שכן בציון הר קדשי והיתה ירושלם קדש וזרים לא יעברו בה עוד ‬<br /> ‫ והיה ביום ההוא יטפו ההרים עסיס והגבעות תלכנה חלב וכל אפיקי יהודה ילכו מים ומעין מבית יהוה יצא והשקה את נחל השטים ‬<br /> ‫ מצרים לשממה תהיה ואדום למדבר שממה תהיה מחמס בני יהודה אשר שפכו דם נקיא בארצם ‬<br /> ‫ ויהודה לעולם תשב וירושל͏ם לדור ודור ‬<br /> ‫ ונקיתי דמם לא נקיתי ויהוה שכן בציון ‬<br /> ‪xxxx‬<br /> ‪xxxx End of Joel (4 chapters, 73 verses).</div>

Pig