https://sensusplenior.net/wiki/index.php?action=history&feed=atom&title=Leningrad%3AZep 2026-10-17T20:53:16Z Revision history for this page on the wiki MediaWiki 1.28.3 https://sensusplenior.net/wiki/index.php?title=Leningrad:Zep&diff=33980&oldid=prev 2022-04-25T09:44:19Z

<p>Created page with &quot;‪xxxx Unicode/XML Leningrad Codex [UXLC 1.4]‬ ‪xxxx Build: 26.5 - 1 April 2022 00:00‬ ‪xxxx Layout: Qere-only; Content: Consonants.‬ ‪xxxx‬ ‪x...&quot;</p> <p><b>New page</b></p><div>‪xxxx Unicode/XML Leningrad Codex [UXLC 1.4]‬<br /> ‪xxxx Build: 26.5 - 1 April 2022 00:00‬<br /> ‪xxxx Layout: Qere-only; Content: Consonants.‬<br /> ‪xxxx‬<br /> ‪xxxx Zephaniah (3 chapters, 53 verses).‬<br /> ‪xxxx‬<br /> ‪xxxx Chapter 1 (18 verses)‬<br /> ‪xxxx‬<br /> ‫ דבר יהוה אשר היה אל צפניה בן כושי בן גדליה בן אמריה בן חזקיה בימי יאשיהו בן אמון מלך יהודה ‬<br /> ‫ אסף אסף כל מעל פני האדמה נאם יהוה ‬<br /> ‫ אסף אדם ובהמה אסף עוף השמים ודגי הים והמכשלות את הרשעים והכרתי את האדם מעל פני האדמה נאם יהוה ‬<br /> ‫ ונטיתי ידי על יהודה ועל כל יושבי ירושל͏ם והכרתי מן המקום הזה את שאר הבעל את שם הכמרים עם הכהנים ‬<br /> ‫ ואת המשתחוים על הגגות לצבא השמים ואת המשתחוים הנשבעים ליהוה והנשבעים במלכם ‬<br /> ‫ ואת הנסוגים מאחרי יהוה ואשר לא בקשו את יהוה ולא דרשהו ‬<br /> ‫ הס מפני אדני יהוה כי קרוב יום יהוה כי הכין יהוה זבח הקדיש קראיו ‬<br /> ‫ והיה ביום זבח יהוה ופקדתי על השרים ועל בני המלך ועל כל הלבשים מלבוש נכרי ‬<br /> ‫ ופקדתי על כל הדולג על המפתן ביום ההוא הממלאים בית אדניהם חמס ומרמה ‬<br /> ‫ והיה ביום ההוא נאם יהוה קול צעקה משער הדגים ויללה מן המשנה ושבר גדול מהגבעות ‬<br /> ‫ הילילו ישבי המכתש כי נדמה כל עם כנען נכרתו כל נטילי כסף ‬<br /> ‫ והיה בעת ההיא אחפש את ירושל͏ם בנרות ופקדתי על האנשים הקפאים על שמריהם האמרים בלבבם לא ייטיב יהוה ולא ירע ‬<br /> ‫ והיה חילם למשסה ובתיהם לשממה ובנו בתים ולא ישבו ונטעו כרמים ולא ישתו את יינם ‬<br /> ‫ קרוב יום יהוה הגדול קרוב ומהר מאד קול יום יהוה מר צרח שם גבור ‬<br /> ‫ יום עברה היום ההוא יום צרה ומצוקה יום שאה ומשואה יום חשך ואפלה יום ענן וערפל ‬<br /> ‫ יום שופר ותרועה על הערים הבצרות ועל הפנות הגבהות ‬<br /> ‫ והצרתי לאדם והלכו כעורים כי ליהוה חטאו ושפך דמם כעפר ולחמם כגללים ‬<br /> ‫ גם כספם גם זהבם לא יוכל להצילם ביום עברת יהוה ובאש קנאתו תאכל כל הארץ כי כלה אך נבהלה יעשה את כל ישבי הארץ ‬<br /> ‪xxxx‬<br /> ‪xxxx Chapter 2 (15 verses)‬<br /> ‪xxxx‬<br /> ‫ התקוששו וקושו הגוי לא נכסף ‬<br /> ‫ בטרם לדת חק כמץ עבר יום בטרם לא יבוא עליכם חרון אף יהוה בטרם לא יבוא עליכם יום אף יהוה ‬<br /> ‫ בקשו את יהוה כל ענוי הארץ אשר משפטו פעלו בקשו צדק בקשו ענוה אולי תסתרו ביום אף יהוה ‬<br /> ‫ כי עזה עזובה תהיה ואשקלון לשממה אשדוד בצהרים יגרשוה ועקרון תעקר ‬<br /> ‫ הוי ישבי חבל הים גוי כרתים דבר יהוה עליכם כנען ארץ פלשתים והאבדתיך מאין יושב ‬<br /> ‫ והיתה חבל הים נות כרת רעים וגדרות צאן ‬<br /> ‫ והיה חבל לשארית בית יהודה עליהם ירעון בבתי אשקלון בערב ירבצון כי יפקדם יהוה אלהיהם ושב שביתם ‬<br /> ‫ שמעתי חרפת מואב וגדופי בני עמון אשר חרפו את עמי ויגדילו על גבולם ‬<br /> ‫ לכן חי אני נאם יהוה צבאות אלהי ישראל כי מואב כסדם תהיה ובני עמון כעמרה ממשק חרול ומכרה מלח ושממה עד עולם שארית עמי יבזום ויתר גויי ינחלום ‬<br /> ‫ זאת להם תחת גאונם כי חרפו ויגדלו על עם יהוה צבאות ‬<br /> ‫ נורא יהוה עליהם כי רזה את כל אלהי הארץ וישתחוו לו איש ממקומו כל איי הגוים ‬<br /> ‫ גם אתם כושים חללי חרבי המה ‬<br /> ‫ ויט ידו על צפון ויאבד את אשור וישם את נינוה לשממה ציה כמדבר ‬<br /> ‫ ורבצו בתוכה עדרים כל חיתו גוי גם קאת גם קפד בכפתריה ילינו קול ישורר בחלון חרב בסף כי ארזה ערה ‬<br /> ‫ זאת העיר העליזה היושבת לבטח האמרה בלבבה אני ואפסי עוד איך היתה לשמה מרבץ לחיה כל עובר עליה ישרק יניע ידו ‬<br /> ‪xxxx‬<br /> ‪xxxx Chapter 3 (20 verses)‬<br /> ‪xxxx‬<br /> ‫ הוי מראה ונגאלה העיר היונה ‬<br /> ‫ לא שמעה בקול לא לקחה מוסר ביהוה לא בטחה אל אלהיה לא קרבה ‬<br /> ‫ שריה בקרבה אריות שאגים שפטיה זאבי ערב לא גרמו לבקר ‬<br /> ‫ נביאיה פחזים אנשי בגדות כהניה חללו קדש חמסו תורה ‬<br /> ‫ יהוה צדיק בקרבה לא יעשה עולה בבקר בבקר משפטו יתן לאור לא נעדר ולא יודע עול בשת ‬<br /> ‫ הכרתי גוים נשמו פנותם החרבתי חוצותם מבלי עובר נצדו עריהם מבלי איש מאין יושב ‬<br /> ‫ אמרתי אך תיראי אותי תקחי מוסר ולא יכרת מעונה כל אשר פקדתי עליה אכן השכימו השחיתו כל עלילותם ‬<br /> ‫ לכן חכו לי נאם יהוה ליום קומי לעד כי משפטי לאסף גוים לקבצי ממלכות לשפך עליהם זעמי כל חרון אפי כי באש קנאתי תאכל כל הארץ ‬<br /> ‫ כי אז אהפך אל עמים שפה ברורה לקרא כלם בשם יהוה לעבדו שכם אחד ‬<br /> ‫ מעבר לנהרי כוש עתרי בת פוצי יובלון מנחתי ‬<br /> ‫ ביום ההוא לא תבושי מכל עלילתיך אשר פשעת בי כי אז אסיר מקרבך עליזי גאותך ולא תוספי לגבהה עוד בהר קדשי ‬<br /> ‫ והשארתי בקרבך עם עני ודל וחסו בשם יהוה ‬<br /> ‫ שארית ישראל לא יעשו עולה ולא ידברו כזב ולא ימצא בפיהם לשון תרמית כי המה ירעו ורבצו ואין מחריד ‬<br /> ‫ רני בת ציון הריעו ישראל שמחי ועלזי בכל לב בת ירושל͏ם ‬<br /> ‫ הסיר יהוה משפטיך פנה איבך מלך ישראל יהוה בקרבך לא תיראי רע עוד ‬<br /> ‫ ביום ההוא יאמר לירושל͏ם אל תיראי ציון אל ירפו ידיך ‬<br /> ‫ יהוה אלהיך בקרבך גבור יושיע ישיש עליך בשמחה יחריש באהבתו יגיל עליך ברנה ‬<br /> ‫ נוגי ממועד אספתי ממך היו משאת עליה חרפה ‬<br /> ‫ הנני עשה את כל מעניך בעת ההיא והושעתי את הצלעה והנדחה אקבץ ושמתים לתהלה ולשם בכל הארץ בשתם ‬<br /> ‫ בעת ההיא אביא אתכם ובעת קבצי אתכם כי אתן אתכם לשם ולתהלה בכל עמי הארץ בשובי את שבותיכם לעיניכם אמר יהוה ‬<br /> ‪xxxx‬<br /> ‪xxxx End of Zephaniah (3 chapters, 53 verses).</div>

Pig